Годинешното 56-то по ред доделување на престижните музички награди “Греми” кои се одржаа прексиноќа во Лос Анџелес, го одбележаа францускиот диџеј состав „Дафт Панк“, тинејџ ѕвездата Лорде и геј браковите…
Церемонијата го отвори музичката двојка раперот Џеј Зи и поп-ѕвездата Бијонсе со нивниот нов сингл „Drunk in love“, а за првпат во историјата на „Греми“ наградите, ѕвездата Квин Латифа со химната за геј-правата „Same love“ од Меклмор и Рајан Луис венча 34 геј и хетеросексуални двојки. Новозеландската пејачка со хрватско-ирски корени Лоред (17) доби две Греми награди , за песната „Royals“ и за најдобар поп-соло настап.
– Не го очекував ова вечерва. Ви благодарам многу – изјавил младата пејачка по преземањето на наградата и им се заблагодари на колегите кои биле номинарни во истите категории, Бруно Марс, Џастин Тимберлејк, Сари Бареилес и Кејти Пери.
Популарното француско електронско дуо „Дафт Панк“ дома си заминаа со награда за најдобар албум на годината за „Random access memories“, како и со награда за снимка на година за мегапланетарниот хит „Get lucky“.
Новата музичка сензација Меклмор и Рајан Луис триумфираа со четири освоени „Греми“ награди, за најдобри нови изведувачи, нивниот хит „Thift shop“ беше прогласен за најдобра рап песна и рап изведба, а нивниот албум „The Heist“ прогласен за рап албум на годината.
Кејси Масгрејвс доби награда за најдобар кантри албум, Мајкл Бабл за најдобар традиционален албум, а Адел за „Skyfall“ доби награда за најдобро напишана песна. Раперот Џеј Зи доби „Греми“ статуетка за песна од албумот „Part two“ во категоријата за најдобра рап сорабтка која и ја посвети на својата жерка Блу Ајви Картер (2).
Бендот „Имаџин драгонс“ добија признание за најдобри рок-изведувачи, Пол Мекартни кој им се придружи на членовите на групата „Нирвана“ на сцена, си замина со „Греми“ за најдобра рок песна за темата „Cut me some slack“.
Наградата за најдобар урбан албум отиде во рацете на Ријана за нејзиното последно издание „Unapologetic“, додека најдобра ар-ен-би албум има Алиша Кис за изданието „Girl on fire“. Раперот Фарел Вилијмас беше прогласен за продуцент на годината.
Во ревијалниот дел на оваа престижна музичка манифестација настапија најмоќните имиња во музичката индустрија – Бијонсе и Џеј Зи, Тејлор Свифт, Пинк, „Најн инч наилс“, „Квинс оф Стон ејџ“, Мадона, Кејти Пери.Кралицата на попот Мадона, се појави во бел костум со каубојска шапка и ја затвори церемонијата со темата „Open you heart“.
