Потењето е нормален имунолошки одговор на инфекција кога телото ја зголемува температурата обидувајќи се да ги убие бактериите или вирусите. Но важно е да се провери дали зад прекумерното потење се крие некој хроничен проблем…
Презафатени сте и заборавате да јадете
Потењето може да биде знак за хипогликемија – намалување на шеќерот во крвта. Кога ќе прескокнеме оброк, недостатигот на гликоза во крвта активира ослободување на адреналин бидејќи телото преминува во режим на преживување и почнува потење.
Проблеми со штитната жлезда
Постојаното потење може да биде знак за хиперактивна штитна жлезда или хипертиреоза. Штитната жлезда лачи хормон кој ја контролира брзината со која телото ги искористува своите енергетски резерви. Кога штитната жлезда произведува премногу хормони тоа може да предизвика постојано потење. Хипертиреозата предизвикува и намалување на тежината и чукање на срцето.
Проблем со хормоните
Мажите кои се потат навечер веројатно имаат ниско ниво на тестостерон. Кога нивото на тестостерон е намалено, хипоталамусот – центар кој регулира многу функции, меѓу кои и телесната температура и притисокот – прима лажни сигнали дека телото е прегреано, па се вклучува потење како метод за ладење на телото.
Лекови
Потењето може да биде нуспојава на антидепресиви, бидејќи тие го зголемуваат нивото на стрес хормонот, норадреналин, кој предизвикува претерано потење. Причина можат да бидат и некои други лекови.
Хиперхидроза
Поголемиот дел од луѓето произведуваат литар пот дневно, а уште повеќе кога е топло или кога вежбаат. Ако се потите и кога температурите се ниски, можеби страдате од хиперхидроза. Луѓето кои страдаат од претерано потење произведуваат и до десет пати повеќе пот.
Инфаркт
Потењето и вртоглавицата можат да бидат знак за предупредување од срцев удар. Може најпрво да се почувствува болка во градите или симптомите можат да се појават после вежбање. Останатите симптоми се гушење, тешка болка во градите која се шири кон вилицата, вратот, рацете и грбот.
Овој вид потење е одговор предизвикан од наглото намалување на пулсот и крвниот притисок. Ваков одговор исто така може да се појави и пред излив на крвта во мозокот, или акутно воспаление на слепото црево.
Извор: Plusinfo.mk
