Според Јулијанскиот календар (календарот на Македонската Православна Црква) денеска е 1-ви јануари односно празникот обрезание Господово и Свети Василиј Велики.
Во Стариот завет со тоа се запечатувала припадноста на народот наследник на Божјите ветувања.
На осмиот ден после раѓањето, Христос бил однесен во храмот и обрезан. Обрезанието инаку е праслика на тајната на крштението и како такво има значење и во новозаветната Црква.
Исто така денеска се слави и Свети Василиј Велики. Тој е еден од тројцата најголеми црковни учители од четвртиот век. Родум бил од Кападокија, завршил школа во Атина. Бил голем христијански философ, а се прославил и како епископ и заштитник на чистотата на православното учење. Свети Василиј се упокоил на овој ден во 379 година.
Извор: Sky.mk
