Започна изградбата на нов паркин простор во централното градско подрачје на Делчево…
Денеска во Делчево започна изградбата на нов паркинг простор. Станува збор за паркинг простор кој ќе се простира помеѓу улиците “Кеј на ослободувањето” и реката Брегалница, односно позади новиот соборниот храм “Св.Кирил и Методиј” во централното градско подрачје во Делчево.
Изградбата на новиот паркинг простор е од особено значење за жителите од овој дел од градот , но и воопшто за сите граѓани кои поминуваат и се движат низ централното градско подрачје. Се работи за проект за изградба на паркинг простор со површина од 910 м2 , а истиот ќе опфаќа 39 паркинг места.
Новиот паркинг простор е финансиран со средства од Буџетот на Општина Делчево, а изведувач на работите е приватна градежна фирма од Делчево која беше избрана како најповолен понудувач по претходно спроведената јавна набавка.
