Американскиот амбасадор Пол Волерс беше во посета на Општина Делчево, при што оствари средба со Градоначалникот Дарко Шехтански во неговиот кабинет…
На самата средба од страна на Градоначалникот Шехтански беше претставена општината со нејзините главни карактеристики, како и природните ресурси и нејзиното културно наследство.
Посебен дел од разговорот беше посветен на економската состојба на општината како и тековните проекти на Градоначалникот и проектите кои се во соработка со Владата на Република Македонија, а се во интерес на подобрување на стандардот за граѓаните на Општина Делчево.
Притоа беше разговарано за постојните потенцијали, како и развојните програми на локалната самоуправа и Градоначалникот за развојот на туризмот, земјоделството, лесната индустрија, малите и средни претприемачи, како и напорите за подобрување на условите за влез на странски инвеститори во Технолошко индустриската развојна зона “Делчево” и домашни инвеститори во Индустриската зона “Долни Бавчи”.
По средбата со Градоначалникот Шехтански, амбасадорот на САД, Пол Волерс беше во посета на ООУ “Ванчо Прке” и капацитетите на компанијата “Рудине” во Делчево.
